Papa Françesku ka thënë se homoseksualiteti te klerikët është një “çështje serioze” që “shqetëson” atë.
Komentet janë bërë në një intervistë fetare dhënë një misionari spanjoll, i cili pritet të botojë një libër së shpejti, transmeton portali arbresh.info
Papa e përshkroi homoseksualitetin si një “stil jetese” dhe nxiti klerikët që të respektojnë betimin e tyre mbi beqarinë.
Pjesët e intervistës janë botuar nga e përditshmja italiane “Corriere della Sera”.
Papa Françesku tha se Kisha duhej të “kërkonte” në zgjedhjen e kandidatëve për priftërinë.
“Çështja e homoseksualitetit është shumë serioze,” tha Papa, duke shtuar se ata që janë përgjegjës për trajnimin e priftërinjve duhet të sigurohen që kandidatët “duhet të jenë të pjekur edhe në mënyrë emocionale para se të shugurohen.
Komentet e bëra nga Papa përsërisin deklaratat e fundit të Vatikanit rreth përzgjedhjes së kandidatëve për jetën fetare.
“Në shoqërinë tonë, ngjan që homoseksualiteti është një modë. Dhe në një formë, ky mentalitet, ndikon në jetën e Kishës”, tha ai.
Kreu i Kishës Katolike tha se nuk ka vend “për këtë lloj mode” në jetën e priftërinjëve dhe murgeshave.
Në vitin 2013, Ati i Shenjtë tha se aktet homoseksuale janë mëkat, ndërsa orientimi jo./arbresh.info/
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...